اسيوط- علاء عيد
فكرة أحد المرشحين المثقفين في حل يخفف عن الناس عبء المواصلات .. بالعلم والعلماء تتقدم الأمم.
دكتور عثمان محمود – استاذ مساعد جـ.ـراحة الأوعـ.ـية الد موية جامعة أسيوط – مرشح انتخابات مجلس النواب مركز ومدينة أسيوط رقم (20) رمز سماعة الطبيب
#فكرة : أهلي وأحبائي في مركز ومدينة أسيوط،
أنا شايف المعاناة اليومية اللي بيواجهها أهلنا في القرى بسبب ارتفاع تكاليف المواصلات بعد زيادة أسعار البنزين.
علشان كده، أنا بتبنّى فكرة تخصيص أتوبيسات حكومية تنقل المواطنين من القرى إلى مدينة أسيوط بنظام اشتراك شهري أو سنوي بأسعار رمزية، تكون وسيلة نقل آمنة ومنتظمة وتخفف عن كاهل الأسر البسيطة.
كمان ممكن نستفيد من بعض سيارات الأجرة العاملة حاليًا في المواقف، وندمجها في المنظومة الجديدة تحت إشراف الجهات المختصة، علشان نحقق عدالة في الأسعار وتحسين في الخدمة بدل الفوضى اللي بيعاني منها الناس كل يوم.
محافظة أسيوط من أكثر المحافظات احتياجًا، ونسبة الفقر فيها بتقارب 61%، وده معناه إن لازم تكون في سياسات واقعية تراعي البعد الاجتماعي والاقتصادي وتخدم المواطن البسيط بكرامة.
الفكرة دي جزء من رؤيتي لخدمة المواطن ودعم الدولة في طريق الإصلاح والبناء، وبتتماشى مع أهداف الجمهورية الجديدة اللي بتسعى لتوفير حياة كريمة لكل مصري في كل قرية ومدينة.
كل خطوة بنقترحها هدفها واحد: بناء مصر قوية، عادلة، حديثة… من أجلنا ومن أجل أولادنا.
