بقلم / أحمد هشام السويسي
الاسكندرية هي التاريخ والحضارة والمجد” كما قال أمير الشعراء “أحمد شوقي”، لكنها أيضاً عظيمة بأهلها الطيبين وبصحبتهم الحلوة و صعب تشوف زيهم في أي مكان في العالم من أجدع الرجال . لو زرت عروس البحر المتوسط، لا تحتار كثيراً ، نقدّم لكم أماكن مهم تزورها في الإسكندرية، منها مطاعم وكافيهات وكمان أماكن سياحية.
مكتبة الإسكندرية
كورنيش الإسكندرية – باب شرقي
مكتبة الإسكندرية القديمة بناها الإسكندر الأكبر في قديم الزمان أصبحت ذكرى الآن ، لكن مكتبة الإسكندرية العصرية إللي اتبنت مكانها وأتجددت في عام ٢٠٠٢، هي مثال حيّ على عظمة المعمار ، التحفة المعمارية ده أكبر من مجرد مكتبة كبيرة، لأنها بتضمّ معارض فنية ومتاحف كتيرة وقبة سماوية وغيرها. ودايمًا بنكتشف اشياء جديدة في زيارتها كل مرة !
قلعة قايتباي
الميناء الشرقي – الجمرك
مِن أشهر معالم الإسكندرية السياحية، واتبنت قبل أكتر من ٥٠٠ سنة مكان فنار الاسكندرية القديم، وهو بالمناسبة واحد مِن عجائب الدنيا السبع القديمة! ولو بتحبّ المشي أمام البحر مع أكل أيس كريم من عند محل “مكرم” أو “عزة”، أو بلبن خصوصًا في أيام الصيف الحر جدًا، ننصحك تزور قلعة قايتباي وتكون أول مكان تروحه في الإسكندرية! ، ننصحهم بزيارة جامع المرسي أبو العباس في منطقة بحري، وهو الجامع الموجود فيه ضريح الشيخ أبو العباس المرسي، واحد مِن أشهر كبار الشيوخ الصوفيين! مسرح سيد درويش و قصر الثقافة في شارع فؤاد من أجمل المعالم الفنية والثقافية في اسكندرية مهما كتبت عن اسكندرية حتكتشف معالم أكثر من الحتكون مكتوبة في أي موضوع أنزل و غامر وأكتشف بنفسك… أنزله وشوف جمال اسكندرية تتحكي في أساطير ..
